Türkiyəli diplomat Hüseyn Diriöz NATO baş katibinin müavini vəzifəsinə təyin edilib. APA-nın Anadolu Agentliyinə istinadən verdiyi məlumata görə, NATO-dan bildiriblər ki, Hüseyn Diriöz baş katibin müdafiə siyasəti və planlaşdırma üzrə müavini olacaq. Yeni müavin avqust ayından vəzifəsinin icrasına başlayacaq. Hüseyn Diriöz son günlərə qədər Türkiyə prezidentinin xarici siyasət üzrə baş müşaviri vəzifəsində çalışırdı.
Qeyd edək ki, Türkiyə danimarkalı Anders Foq Rasmussenin NATO baş katibi seçilməsinə razılıq verməyin müqabilində bəzi şərtlər irəli sürmüşdü. Bu şərtlərdən biri də baş katibin müavinlərindən birinin türk olması idi.
|
