Dövlət başçısının rəsmi saytı yeni tərtibatda
|
Xeyli yenilik edildiyi xəbər verilir
Şənbə, 10.07.2010
|
|
Prezidentə hər kəs elektron məktub yaza biləcək. Bundan ötrü "Prezidentə məktub yazmaq" düyməsini basmaq kifayətdir. Dövlət başçısının rəsmi saytının (www.rresident.az) yeni tərtibatda fəaliyyətə başladığı barədə xəbərdə belə deyilir.
Saytı izləyərkən görünən budur ki, onun strukturu təkmil hala gətirilib, dizaynı yaxşılaşdırılıb və buraya yeni bölmələr əlavə edilib. Bunun üçün son internet texnologiyalarından istifadə olunduğu bildirilir. Baş səhifədə prezidentin fəaliyyəti ilə bağlı ən son xəbər və yeniliklər olacaq və bunlar operativ fotoşəkillərlə müşayiət olunacaqdır. Baş səhifədəki axtarış xidmətinin köməyi ilə müvafiq xəbərlər və imzalanmış sənədlərlə tanış olmaq imkanı yaradıliışdır. Prezident saytından bütün digər mərkəzi dövlət orqanlarının internet səhifələrinə keçid imkanı verilir.
Yeniliklərdən biri də odur ki, prezidentin fəaliyyətini Twitter beynəlxalq sosial internet şəbəkəsindən izləmək və YoyTube internet videokanalı vasitəsilə bütün videoxəbərlər və çıxışlarla tanış olmaq mümkündür. Eyni zamanda, istifadəçilər şəxsi elektron poçt vasitəsilə saytın xəbərlərinə abunə ola bilərlər. Prezident saytının sonuncu versiyası 2007-ci ildən indiyə qədər fəaliyyət göstərmişdir.
|
|
|
|
|
|
|
