Gürcüstanda azərbaycanlı iş adamları sıxışdırılır?
|
Müfəttişlərin əsassız vergilər tələb etdikləri iddia olunur
Şənbə, 03.07.2010
|
|
"Gürcüstanda azərbaycanlı iş adamları sıxışdırılır". Gürcüstan Azərbaycanlıları Konqresinin sədri (GAK) Əli Babayev bildirib ki, bu səbəbdən azərbaycanlı iş adamları ölkəyə investisiya qoymaqdan çəkinirlər: "Azərbaycanlı iş adamlarının sıxışdırılması bütün Gürcüstan üzrə müşahidə olunur. Marneuli və Qardabani rayonunda vergi müfəttişləri hətta kiçik ticarət obyektlərinin azərbaycanlı sahiblərindən heç bir əsas olmadan külli miqdarda vergi ödəməyi tələb edirlər".
O, belə faktların az olmadığını da qeyd edib: "Yormuğanlı kəndinin Qaraçöp məntəqəsində bir azərbaycanlı iş adamı 1995-ci ildən qanun çərçivəsində əldə etdiyi torpaq sahəsində müəyyən iş qurmuşdu. 2009-cu ildə yerli hakimiyyət orqanları ona bildiriblər ki, bu torpaq sahəsi ona məxsus deyil və sənədləri saxtadır. Həmin şəxs külli miqdarda cərimə olunduqdan sonra rahat buraxıldı".
|
|
|
|
|
|
|
