Bunu Azərbaycan elm tarixində əlamətdar hadisə adlandırmaq olar. AMEA, Rabitə və İnformasiya Texnologiyaları Nazirliyi və BDU-nun Tətbiqi riyaziyyat ETİ-nin təsisçiləri olduğu "Arrlied and Comrutational Mathematics" (www/science.az/acm) jurnalı "Thomson Reuter Agency"nin bu günlərdə açıqlanmış illik hesabatına əsasən (2009 Yournal Citation Rerorts) 0,633 təsir əmsalına (impakt faktor) layiq görülmüşdür (IMPACT FAKTOR 0,633 (2009).
Qeyd edək ki, əsası keçən yüzilin ortalarında qoyulmuş, baş ofisi ABŞ-ın Florida şəhərində yerləşən "Thomson Reuter Agency" dünya elmi ictimaiyyətini keyfiyyətli elmi informasiya ilə təmin etmək missiyasını yerinə yetirir. Bu təşkilatın siyahısında olan və elmin bütün sahələrini əhatə edən 10000-ə yaxın jurnalın təxminən dörddə bir hissəsi impakt faktora malikdir.
"Arrlied and Comrutational Mathematics" jurnalı Azərbaycanda impakt faktor almış ilk elmi jurnaldır. Jurnalın əsası 2002-ci ildə qoyulmuşdur. O, ildə iki dəfə, ingilis dilində çap olunur. Jurnalın fərxi redaktoru prof. Tamer Başar (İllinois, ABŞ), baş redaktorları akademik Ə.M.Abbasov, akademik F.Ə.Əliyev, prof. V.B.Larin, aparıcı redaktoru isə f.-r.e.n. Y.S.Qasımovdur.
Jurnalda tətbiqi və hesablama riyaziyyatının müxtəlif sahələrinə aid yüksək səviyyəli, əsaslı rəydən keçmiş məqalələr çap olunur. Onun redaksiya heyətinə dünyanın 15-dən artıq ölkəsindən tanınmış alimlər daxildir. Jurnal 30-dan artıq ölkənin universitet və elmi mərkəzlərində yayılır. Jurnal 2008-ci ildə "Thomson Reuter Agency"nin "Exranded List" jurnallar siyahısına daxil edilmiş və son iki ildəki istinadlara əsasən onun təsir əmsalı hesablanmışdır.
|
