Sevastopolun Balaklava rayonunda Krımın alman işğalçılarından azad edilməsində göstərdikləri müstəsna xidmətlərə görə Azərbaycan diviziyasının qəhrəman əsgərlərinin şərəfinə ucaldılmış abidəni dağıdan vandal, əslən erməni olan Eduard Arakelyan və onun əlaltısı Andrey Qaninin məhkəməsi hələ başa çatmayıb. Dövlət ittihamçısı bu iki vandalın hərəsinə 4 il iş istəyib. Prokuror deyib ki, bu zaman onların himayəsində azyaşlı uşaqların olduğu nəzərə alınmışdır. Balaklava rayon Məhkəməsinin növbəti iclası iyulun 12-də olacaq və həmin gün hökmün oxunacağı gözlənilir (APA).
Krımın Azərbaycanlı İcmasının rəhbəri Rəhim Hümbətov məhkəmənin gedişində maraqlı faktlar üzə çıxarıb. Bəlli olub ki, abidənin dağıdılaraq onun metal hissələrinin metal qırıntısı kimi satılması niyyəti barədə versiya boşa çıxıb. Eduard Arakelyanın əlaltısı Andrey Qanin məhkəmədə özünü müdafiə çıxışında deyib ki, erməni bu abidəni məhz azərbaycanlılardan qisas məqsədi ilə dağıtmaq niyyəti ilə seçib. Niyyəti onların ruhunu alçaltmaq, təhqir etmək imiş. Görünür, o, azərbaycanlı əsgər fiqurunun başını kəsməklə, xəyalən canlı adam başı kəsdiyini düşünürmüş.
Öz nöbbəsində, Arakelyan deyib ki, bu addımı özünün həlak olan valideynlərinin qisasını almaq üçün atmışdır. Ermənilər qisası sevir və Ramil Səfərovu unutmurlar...
Rəhim Hümbətov deyib ki, abidənin azərbaycanlılardan qisas almaq məqsədi ilə dağıldığı versiyası ön plana keçmişdir.
Beləliklə, bu hal onu göstərir ki, azərbaycanlıların və ermənilərin Rusiyada və digər postsovet ölkələrində dinc yanaşı yaşadıqları barədə söylənənlər əsaslı deyil. Onlar hər zaman türklüyə düşmən olaraq qalacaqlar və onlarla hər hansı "əməkdaşlıq", "dostluq", "yoldaşlıq" günlərin birində fəsad verə bilər. Bu insanların içlərindəki naqisliklər düzələn deyil. Necə deyərlər, "qozbeli qəbir düzəldər"...
|
