Cənubi Afrika Respublikasında keçirilən futbol üzrə dünya çempionatında mübarizəni dayandıran daha bir yığma komandanın baş məşqçisi postunu tərk edib. Mundialın 1/8 final mərhələsində Uruqvaya 1:2 hesabı ilə uduzan Cənubi Koreya millisinin baş məşqçisi Hu Cun Mu tutduğu vəzifədən istefa verib.
55 yaşlı mütəxəssis bildirib ki, komandadan getməsində əsas səbəb yığmanın daha da inkişaf etməsinə imkan yaratmaqdır.
Xatırladaq ki, bu günə qədər Yunanıstan yığmasının baş məşqçisi, almaniyalı Otto Rehagel, Yaponiya millisinin baş məşqçisi Tokesi Okada, Meksika və Avstraliya yığmalarının baş məşqçiləri Havyer Agirre və Pim Verbek də istefa veriblər.
|
