Şuşa teatrından aldığımız bilgiyə görə, yazıçı-dramaturq Elçinin "Cəhənnəm sakinləri" əsəri əsasında yeni tamaşa hazırlanıb və onun premyerası olacaq.
"Cəhənnəm sakinləri" keçən yüzildə Azərbaycan tarixinin qara səhifəsi olan 37-ci il repressiyalarının, Stalin rejiminin acı həqiqətlərindən bəhs edir. Psixoloji-dramatik janrda olan bu əsərin sonu faciəylə bitir. Yaradıcı heyət rejissor Elşən Zeynallının quruluş verdiyi bu tamaşa üzərində artıq son məşqləri aparır.
İki hissədən ibarət səhnə əsərinin bədii tərtibatçısı Valeh Məmmədovdur. Rolları aktyorlar İqrar Salamov, Püstəxanım Zeynalova, Rauf Şahsuvarov və başqaları ifa edirlər.
Sənətsevərlər "Cəhənnəm sakinləri" tamaşasına gələn teatr mövsümündə baxa biləcəklər.
Şəkililər Koreya festivalına yollanırŞəki şəhəri bu il sentyabrın 18-dən oktyabrın 17-dək Cənubi Koreyada "Böyük Bekcə" Dünya Festivalında ("Great Baekye World Festival-2010") iştirak edəcək.
