Mayın 19-da, saat 19:00-da, İçərişəhərdə, Müasir İncəsənət Mərkəzində keçirilən "Rəngli arzular" adlı fotosərgi təqdim olundu. Sərgidə nümayiş olunan fotolar İsa Aydın, Məryam və Türkan Hüseynovalar tərəfindən çəkilmişdir. Fotoqraflar bildirirlər ki, bu sərgidə məqsəd kimsəsiz uşaqların taleyi ilə tanışlıqdır və sosial ismarıc xarakteri daşıyır. Məryam Hüseynova bildirdi: onlar göstərmək istəyiblər ki, onların hamısı eyni deyil, onları heç də atmayıblar, əlil və kimsəsiz uşaqların da xoşbəxt olmaq hüquqları var. Bu uşaqlar dincəlməyi, sevməyi və sevilməyi bacarır.
Sərginin təşkilatçıları "Birliyə Doğru" Əlil və Kimsəsiz Uşaqlara Qayğı İctimai Birliyi, ABMTKTA - Azərbaycanda Birləşmiş Millətlər Təşkilatının Keçmiş Təcrübəçiləri Assosiasiyası idi. Tədbiri "Birliyə Doğru" təşkilatının sədri Zərifə Quliyeva açıq elan etdi. Daha sonra söz ABMTKTA-nın nümayəndəsi Aysel Əsgərovaya verildi.
Sərgiyə yüzlərlə seyrçi baxdı, hiss olunurdu ki, maraq böyükdür. Bu tədbirdə "Birliyə Doğru" Əlil və Kimsəsiz Uşaqlara Qayğı İctimai Birliyinin yeni info@bd-az.org rəsmi saytı təqdim olundu. Və tədbirdə kimsəsiz uşaqlara yardım üçün ianə qutusu da qoyulmuşdu.
|
