Türkiyədə çəkilən və azərbaycanlı aktrisa Məlahət Abbasovanın da oynadığı "1001 gecə" serialının Balkan ölkələrində və Yunanıstanda nümayişinə başlanıb. Bu barədə məlumat verən Məlahət Abbasova Mehriban obrazını canlandırdığı bu serialda oynadığı rolun çox sevildiyini deyib:
"Bu serial bütün ərəb dünyasında göstərilir. Hazırda da Balkan ölkələri və Yunanıstanda nümayişinə başlanıb. Oynadığım Mehriban obrazını çox sevirlər və məhz bunun üçün Dubayda keçirilən mərasimə dəvət edildim və orada çox böyük bir sevgi ilə qarşılandım".
M.Abbasova Dubayda beynəlxalq turizm sərgisinin açılışında iştirak etdiyini də söyləyib:
"Bu sərgidə ölkəmizi təmsil edən Azərbaycan Hava Yollarının stendini görəndə bütün dünyalar mənim oldu. Onların yanına getdim və məni gördüklərində çox sevindilər. Çox gözəl söhbətlərimiz oldu, xatirə şəkilləri çəkdirdik".
Dubaydan qayıtdıqdan sonra isə azərbaycanlı aktrisa ikinci rejissoru olduğu "İntiharın əsas məşqi" tamaşasının nümayişi üçün Belqradda keçiriləcək beynəlxalq teatr festivalına dəvət aldığını öyrənib:
"Bu festival çərçivəsində mayın 31-də Belqradda tamaşamız nümayiş olunacaq. İyul və avqust ayında isə "Dünyanın ortasında bir yer" adlı tamaşamız Albaniya və Makedoniyada keçiriləcək beynəlxalq teatr festivalında oynanılacaq".
Məlahət Abbasova bildirib ki, teatrda onun təklifi əsasında "Dədə Qorqud" dastanı əsasında tamaşanın səhnələşdirilməsi də nəzərdə tutulur.
Bakıda növbəti "Istanbul Fashion Show"İlin əvvəlində Azərbaycanın moda dünyasında maraqlı yenilik edərək möhtəşəm sərgiyə imza atan Türkiyənin "Meridyen Fuarçılık" beynəlxalq sərgi şirkəti iyun ayında daha bir neçə sərgini təqdim etməyə hazırlaşır.
"Şeirin içindəki adam"Şair Qəşəm Nəcəfzadənin "Yazıçı" nəşriyyatında "Şeirin içindəki adam" publisistik kitabı nəşr olunub. Bu barədə şair özü məlumat verib.
"Ümumdünya Mədəniyyətlərarası dialoq Forumu""Mədəniyyətlərarası dialoqa dair Bakı Prosesi"nin davamı olaraq gələn il Bakıda "Ümumdünya Mədəniyyətlərarası dialoq Forumu" keçiriləcək.
"Təxəllüsü Mixaylo" Sloveniyaya gedirİyun ayının 2-si və 3-də Sloveniyada "Salnamə" studiyasında istehsal olunan "Təxəllüsü Mixaylo" filminin nümayişi olacaq.
Yeganə Axundova: "Hər zaman sevilmək və gözəl qalmaq istəyirəm"Azərbaycanın əməkdar artisti, tanınmış pianoçu, bəstəkar, Bakı Musiqi Akademiyasının beynəlxalq əlaqələr üzrə prorektoru, fortepiano kafedrasının professoru Yeganə Axundovanın milli musiqimizin inkişafında xidmətləri olmuşdur.
