Müqəddəs Divarın Müdafiəsi ("Neturey kart") yəhudi icmasının nümayəndələri İran prezidenti Mahmud Əhmədinejadla görüşüb.
Bu mərasim hər il keçirilir. Əhmədinejad və onunla görüşən yəhudilər bu görüşdən həzz aldıqlarını bildiriblər. Müşahidəçilərin dediyinə görə, İran prezidenti sanki bu davranışı ilə yəhudilərə belə bir ismarıc göndərir: "Baxın, mən antisemit deyiləm, sadəcə, İsrail dövlətinə qarşıyam". Prezident bununla da yəhudilərə qarşı loyal olduğunu nümayiş etdirməyə çalışmışdır.
Həmin gün antisionist yəhudilər də sionizm və İsrailə qarşı etirazlarını bildiriblər. Müqəddəs Divarın Müdafiəsinin təmsilçiləri ABŞ, Britaniya və İsraildə (burada onlar vətəndaşlığı qəbul etmir) yaşayır. İsrailin Müstəqillik Günündə onlar yəhudi dövlətinin bayrağını yandırır, antisionist toplantılarda iştirak edir, İsrail dövlətinin düşmənlərini fəal şəkildə dəstəkləyirlər. Onlar Mahmud Əhmədinejadı və İranın atom-nüvə proqramını dəstəkləyirlər. Onu da xatırladaq ki, bu, təşkilat deyil, sadəcə, ortodoksal yəhudilər icmasıdır. Onlar "yəhudilərin sionizmə qarşı müxalifət ənənəsini" qoruyub saxlayırlar.
"miqnyus" saytının xəbərində bildirilir ki, əvvəlki görüşlərdə olduğu kimi, bu dəfə də İran prezidentinin Müqəddəs Divarın Müdafiəsi təmsilçilərini "səmimi qarşılaması", "yəhudilərin ənənələrinə hörmət" etməsi barədə xəbərlər yayılıb.
|
