Mayın 19-da Parisdə Avropa Şurası Parlament Assambleyası (AŞ PA) Monitorinq Komitəsinin iclası keçiriləcək. Bu barədə APA-ya Milli Məclisin AŞ PA-da nümayəndə heyətinin rəhbəri Səməd Seyidov bildirib. Onun sözlərinə görə, iclasda Azərbaycan üzrə məruzə dinləniləcək.
Səməd Seyidovun sözlərinə görə, yekun məruzə iyunda təqdim olunacaq: "Monitorinq Komitəsində isə tamamlanmaqda olan hesabat bənd-bənd müzakirə ediləcək. Məruzənin ruhu əvvəlki illərdə hazırlanan məruzələrlə müqayisədə balanslaşdırılıb. Bu, Andres Herkelin həmməruzəçi postundan getməsi ilə bağlı deyil. Bu onunla bağlıdır ki, son illərdə Azərbaycanın mövqeyi kifayət qədər möhkəmlənib və avropalı deputatların çoxu artıq Azərbaycanı tanıyır".
|
