Prezident İlham Əliyev mayın 14-də Çex Respublikası baş nazirinin müavini, xarici işlər naziri Yan Kohoutun başçılıq etdiyi heyəti qəbul edib. APA-nın məlumatına görə, ölkələrimiz arasında ikitərəfli münasibətlərin müxtəlif sahələrdə uğurla inkişaf etdiyini bildirən dövlət başçısı Avropa Birliyi - Azərbaycan əlaqələrinin, regional əməkdaşlığın dövlətlərimiz üçün qarşılıqlı maraq doğuran məsələlərdən olduğunu vurğulayıb.
Çexiyanın ölkəmizdə səfirliyinin açılmasının önəmini qeyd edən dövlət başçısı bu hadisəni ikitərəfli münasibətlərin mühüm elementi kimi dəyərləndirib.
Öz növbəsində Y.Kohout Azərbaycanla əlaqələrin Çexiya üçün strateji xarakter daşıdığını vurğulayıb.
|
