Röya Moskvadan avadanlıq gətirir
 |
Konsertini işıqlı edəcək
Şənbə, 15.05.2010
|
|
Röya yaxın həftələrdə Yaşıl Teatrdakı konsertinin işıq effektlərini Moskvadan gətirtməyə qərar verib. Bildirdiyinə görə, artıq Moskvanın aidiyyəti şirkəti ilə danışıqlar aparılıb və görmək istədiyi səhnə effektini şifahi olaraq onlara izah edib. Hazırda onun sifarişi hazırlanır və yaxın vaxtlarda paytaxta gətirilməsi nəzərdə tutulur. Müğənni deyir ki, bu effektin aydın şəkildə görünməsi üçün konsertini bir qədər gec başlamaq məcburiyyətində qalacaq.
"Bildiyiniz kimi, bu effekt hava işıqlı olanda bir o qədər diqqətə çarpmayacaq. Konsert açıq havada keçirildiyindən biz axşamın düşməsini gözləyəcəyik. İstəyirəm tamaşaçım bu gözəlliyi görə bilsin" - deyə Röya bildirdi.
Xəbər verdiyimiz kimi, konsertdə sənətçini yalnız qadın ifaçılardan ibarət musiqiçilər müşayiət edəcəklər. Hazırda onların seçimi aparılır. Röya eyni zamanda səhnəni iki qadın həmkarı ilə bölüşmək seçimini də edib. Onların adlarını açıqlayan müğənni Samira və Sevda Yəhyayeva ilə duet oxuyacağını bildirdi.
|
|
|
Oxşar xəbərlər:
Röyanın səhhəti pisləşib
Moskvada Azərbaycan Mədəniyyəti günləri başa çatıb
"Mən nişanlı deyiləm"
Röya tarixə düşəcək?
Gülbən Ərgən səhnəyə dönür
|
|
|
