Futbol üzrə Azərbaycan milli komandasının Avstriyadakı hazırlıq prosesinə yollanan heyət açıqlanıb. Mayın 23-dən iyunun 3-dək Mərkəzi Avropa ölkəsində təlim-məşq toplanışı keçirəcək yığmanın baş məşqçisi Berti Foqts 25 nəfərlik siyahıya iki yeni futbolçunun adını da daxil edib. Bunlar yığmaya ilk dəfə çağırılan Vurğun Hüseynovla Arif Daşdəmirovdur. Foqts Türkiyənin "Orduspor" klubunda çıxış edən Anatoli Panomoryova bu dəfə dəvət göndərməyib. Halbuki siyahıya nəzər yetirsək, yığmamızın qarşıdakı yoxlama görüşlərində hücumçu sarıdan çətinlik çəkəcəyini düşünmək olar. Əsas qapıçı əməliyyat olunarsa, onu "Bakı"nın gənc qapıçısı Aqil Məmmədov əvəz edəcək.

Milli komandamız mayın 19-dan 22-dək Bakıda, 23-dən iyunun 2-dək isə Avstriyanın Saynt Yohan şəhərində təlim-məşq toplanışında olacaq və iyunun 3-dən 5-dək Almaniyanın Frankfurt şəhərində tibbi müayinədən keçəcək. Yığmamız təlim-məşq toplanışı çərçivəsində mayın 26-da Moldova, mayın 29-da Makedoniya, iyunun 2-də isə Honduras seçmə komandası ilə yoldaşlıq oyunu keçirəcək.

AFFA-nın internet saytında almaniyalı mütəxəssisin dəvət göndərdiyi namizədlərin siyahısı açıqlanıb. Bunlar Kamran Ağayev ("Xəzər-Lənkəran"), Fərhad Vəliyev ("Qarabağ"), Səlahət Ağayev ("İnter"), Rəşad Sadıqov, Elnur Allahverdiyev və Maksim Medvedyev (hamısı "Qarabağ"), Saşa Yunusoğlu ("Bakı"), Ruslan Abuşov və Rail Məlikov ("Neftçi"), Vladimir Levin ("İnter"), Vurğun Hüseynov ("Qəbələ"), Rahid Əmirquliyev ("Xəzər-Lənkəran"), Samir Abbasov və Aleksandr Çertoqanov ("İnter"), Araz Abdullayev, Amit Quluzadə və Cavid Hüseynov (hamısı "Neftçi"), Mahir Şükürov ("Anji", Rusiya), Elvin Məmmədov və Əfran İsmayılov ("Qarabağ"), Fabio Luis Ramim ("Bakı"), Arif Daşdəmirovdur ("Qəbələ").