Opera və Balet Teatrında "Best of the Best" (Yaxşıların yaxşısı) mükafatının təqdimetmə mərasimi keçirildi. Tədbirin aparıcılıq missiyasını öz üzərinə götürən müğənni Natəvan Həbibi və əməkdar artist Əkbər Əlizadə qaliblərin adlarını açıqladılar. "Yaxşıların yaxşısı" milli mükafatı ilk dəfə olaraq "Primadonna" nominasiyası üzrə İlhamə Quliyevaya təqdim edildi. Daha sonra milli mükafata layiq görülən digər qaliblərin adları açıqlandı - Prezident Administrasiyasının ictimai-siyasi şöbəsinin müdiri Əli Həsənov "Mətbuatın dostu", Dinamik inkişafına və yeniliklərinə görə Rabitə və İnformasiya Texnologiyaları Nazirliyi, Milli Məclisin iqtisadi-siyasi komissiyasının sədri Ziyad Səmədzadə maarifçiliyin inkişafındakı xidmətlərinə görə qalib oldu.
Mükafat alanlardan Musiqili Komediya Teatrının direktoru Əliqismət Lalayev "İlin ən yaxşı teatr tamaşası" nominasiyasında "Arşın mal alan" operettasına görə seçilmişdir.
Qeyd edək ki, mükafat alanlar sırasında xalq artisti Teymur Göyçəyev, Qızıl Aypara Cəmiyyətinin sədri Novruz Aslan, millət vəkilləri Dünyamin Xəlilov, Adil Əliyev, Cavanşir Paşazadə, şair Baba Vəziroğlu, idman ustası Kənan Məmmədov, YUNİSEF Uşaq Təşkilatı, "Əli və Nino" kitab mağazaları şəbəkəsinin direktoru Nigar Köçərli, "525-ci" qəzetin baş redaktoru Rəşad Məcid, Mədəniyyət və Turizm İdarəsinin rəisi Əlikram Əliyev, musiqi qruplarından "Xan" və "Kristal", müğənnilər Faiq Ağayev, Mətanət Əsədova, Natəvan Həbibi, Manana Çaparidze, Elza Seyidcahan, Fidan Hacıyeva, İzzət Bağırov, gənc yazar Elxan Xanəlizadə, xanəndə Qoçaq Əsgərov, bəstəkar Aygün Səmədzadə və başqaları var idi.
Xatırladaq ki, mükafat ötən il ərzində Azərbaycan üçün xeyirli işlər görmüş, dəyərli layihələrə imza atmış şəxslərə təqdim edilir.
|
