Bəstəkar İsa Məlikov "Kuklalar" adlı dramatik filmə saund-trek yazıb. Bu barədə danışan bəstəkar belə deyib: "Film üçün musiqini əslində ötən il təhvil vermişəm. Hazırda "Kuklalar"ın premyerası gözlənilir". Bəstəkar sözügedən film barəsində qısa danışdı:
"Ssenari müəllifi olan Çingiz Rəsulzadə Moskvada yaşayan həmyerlimizdir. Rejissoru isə Ramiz Fətəliyevdir. Uğurlu film olacağına inanıram. Ekran işi ən son avadanlıqlarla lentə alınıb. İdeya və motivi çox xoşuma gəlir". Qeyd edək ki, dövlət sifarişi ilə çəkilən "Kuklalar" adlı dramatik film 1988-ci ildə Azərbaycanda baş verən hadisələr, Qarabağ hərəkatı dövründən bəhs edir.
