Bu il TÜRKSOY tərəfindən Türkiyədə iki yeni layihə həyata keçiriləcək.
Bu barədə mətbuat işçilərinə açıqlamasında qurumun baş katibinin müavini Fırat Purtas bildirib. Onun sözlərinə görə, tədbirlərdən biri ilin sonunda keçiriləcək "Dədə Qorquddan bu günümüzə türk dastan ənənəsi" mövzusunda beynəlxalq simpoziumdur.
Digər tədbir isə İstanbulun bu ilin Avropa Mədəniyyət Paytaxtı seçilməsi ilə əlaqədar həyata keçiriləcək. Belə ki, bu münasibətlə İstanbulda Opera Festivalı təşkil olunacaq. Festivala TÜRKSOY-a üzv olan 6 ölkədən 250 sənətçinin qatılacağı gözlənilir. Festivalın bağlanış mərasimində isə dahi Azərbaycan bəstəkarı Üzeyir Hacıbəyovun "Koroğlu" operası nümayiş olunacaq.
