Mədəniyyət və Turizm Nazirliyinin təşkilatçılığı ilə aprelin 17-də Uşaq Kino Evində Azərbaycanın görkəmli kinorejissoru və kinooperatoru, əməkdar incəsənət xadimi, dövlət mükafatı laureatı Rasim İsmayılova həsr olunmuş xatirə gecəsi keçiriləcək. Nazirliyin mətbuat katibi İntiqam Hümbətovun məlumatına görə, tədbirdə rejissorun uşaqlar üçün çəkdiyi "Asif, Vasif, Ağasif" filminin nümayişi və filmin yaradıcı heyəti ilə görüş də keçiriləcək. Qeyd edək ki, İsmayılov Rasim Rza oğlu Ümumittifaq Kinematoqrafiya İnstitutunun operatorluq fakültəsini bitirib. Yaradıcılığa 1957-ci ildə "Azərbaycanfilm" kinostudiyasında başlayıb. Televiziya animasiya filmlərinin yaradıcılarından biridir. "Danışan işıqlar", "Qırmızılar, qaralar və başqaları", "Promotey-69" və digər filmlərin müəllifidir. "Kimi daha çox sevirik" və "Dağ meşəsindən keçərkən" novellası İsmayılovun kinoda debütüdür.
Eyni zamanda o, "Yaşamaq gözəldir, qardaşım", "Yenilməz batalyon", "Torpaq, dəniz, od, səma", "Sevil", "Yeddi oğul istərəm", "Axırıncı aşırım", "Gün keçdi", "Nəsimi", "Dədə Qorqud", "Dörd bazar günü", "Xoşbəxtlik qayğıları", "Sevinc buxtası və s. filmlərin quruluşçu operatorudur.
|
