Xalq artisti Flora Kərimova müğənni Xumar Qədimovanın mahnısını oxumağa hazırlaşır. Sözügedən mahnını opera ifaçısı Ülvi Qılıncla birlikdə ifa edəcək. Bu barədə Ülvi özü danışıb:
"Flora xanım hazırda iki mahnını gözdən keçirir. Bunlardan biri Volodyanın, digəri isə Xumar Qədimovanın mahnısıdır". Ülvi Qılınc Flora Kərimovanın seçimdən sonra Xumar Qədimovanın mahnısını oxuyacağına inanır: "Niyə də Xumar xanımın mahnısını oxumasın? Amma adını hələlik açıqlamaq istəmirəm. Lentə alandan sonra bu barədə daha bir açıqlama veriləcək". Müğənni duet ideyasının məclislərin birində iştirakdan sonra yarandığını açıqlayıb: "Bir gün bir məclisdə iştirak edirdik. Orada bizdən bir duet oxumağımızı xahiş etdilər. Duet uğurlu alındı və qərara gəldim ki, belə bir ifanı lent yazısına da köçürək. Bu niyyətlə də xalq artistinə müraciət etdim".
Ülvi Qılınc bu işbirliyinin yaxın dostu İlhamə Quliyeva tərəfindən normal qarşılanacağına əmindir: "İlhamə xanım hazırda Bakıda deyil, inanıram ki, bu xəbəri eşidəndə normal qarşılayacaq".
|
