Bu ilin mayında Osloda keçiriləcək "Eurovision-2010" mahnı müsabiqəsində Belarusun təmsilçisi də məlum olub. Belarus mətbuatının yaydığı xəbərə görə, namizəd "Belteleradio" şirkəti tərəfindən xüsusi olaraq yaradılmış "Fokus" qrupunun qərarı ilə seçilib. Belarus Osloda "Tri plyus dva" qrupu ilə Leonid Şirin və Yuri Vaşukun "Far away" mahnısı ilə təmsil olunacaq. Belarusu "Eurovision" yarışmasında təmsil etmək üçün beşinci dəfə namizədliyini irəli sürən azərbaycanlı müğənni Günəş Abbasova məhz bu qrupa uduzub.
Xatırladaq ki, "Tri plyus dva" qrupu Belarusda keçirilən bir çox milli müsabiqənin iştirakçısı olub. Qrupda belaruslu musiqiçilərlə yanaşı, erməni musiqiçi də təmsil olunur. Belarus "Eurovision-2010" mahnı müsabiqəsinin mayın 25-də keçiriləcək I yarımfinalında çıxış edəcək.
|
