Namus üstündə qonşusunu qətlə yetirməkdə ittiham olunan Bakı şəhər sakini, 16 yaşlı Kənan Kərimova hökm oxunub. Bu 10-cu sinif şagirdi Ağır Cinayətlərə Dair İşlər üzrə Məhkəmənin hökmü ilə 8 il müddətinə azadlıqdan məhrum edildi.
Qeyd edək ki, Kərimov 2009-cu il noyabrın 20-də Binəqədi qəsəbəsində qonşusu Əvəz Əzimovu qətlə yetirib.
Müəyyən edilib ki, Əvəz Əzimov Kərimovun bacısı Gülşənin (ad şərti verilib) əxlaqsız hərəkətlərini mobil telefonu ilə çəkib və daha sonra dostları arasında həmin çəkilişi yayıb. Əzimov sonuncu gün Gülşənin olduğu çəkilişi çayxanada dostlarından birinə göstərən zaman Kənan Kərimov da görüb. Bundan əsəbləşən Kərimov Əzimovu bıçaqlayaraq öldürüb.
Məhkəmədə ifadə verən Kənan Kərimov törətdiyi cinayət əməlini etiraf edib. Onun ifadəsinə görə, Əvəz Əzimovu qətlə yetirməsinə mərhumun onun bacısına sataşması səbəb olub.
|
