Martın 14-dən 28-dək Bakı Dövlət Sirki tamaşaçıların qarşısına yeni proqramla çıxacaq. Bu barədə sirkin mətbuat xidmətindən məlumat verilib. Xəbərdə bildirilir ki, proqramda Böyük Moskva Sirki klounlarının maraqlı çıxışları yer alır:

"30-a yaxın artistin iştirak edəcəyi proqramda əhliləşdirilmiş heyvanlarla bərabər, hava gimnastları maraqlı nömrələr nümayiş etdirəcəklər". Öyrəndik ki, proqram çərçivəsində məktəblilərin tətil günlərində hər gün 3 tamaşa nəzərdə tutulur.