Xalq artisti Faiq Ağayev 8 Mart Beynəlxalq Qadınlar günündə qadınlara sürpriz hazırlayır. Müğənni şəhər restoranlarının birində bayram şərəfinə konsert proqramı ilə çıxış edəcək:
"Konsert "F.A. Sevilməyin zamanıdır" adlanır. Konsertimdə özümlə bərabər 6 həmkarımın çıxışı gözlənilir. Nazpəri Dostəliyeva, Aygün Kazımova, Tünzalə Ağayeva, Rəhim Rəhimli, Samir Cavadzadə, Rüstəm Zeynallı da mənimlə barəbar bu konsertdə iştirak edəcəklər". Faiq Ağayev bu ilin mayında Heydər Əliyev Sarayında verəcəyi konsertdən də söz açıb. Bildirib ki, konsert 4 gün ardıcıl təqdim olunacaq. Bir neçə dəfə təxirə düşən konsertin hazırlıqları artıq başlayıb. Yeni mahnılar yazdıran Faiq Ağayev yeniliklərin həddən artıq çox olacağını bildirib:
"Əslində konserti ötən aylara kimi də təqdim edə bilərdim. Amma mən standart təqdimatların əleyhinəyəm. Mənim sonuncu konsertimə çəkilən xərc külli miqdarda idi. Eyni səviyyədə təqdimatı yenə göstərmək istəyirəm. Ona görə də maddi və mənəvi gücümü bir araya gətirib, sanballı konsert layihəsi hazırlayıram".
|
