Fevralın 26-da Avropa Liqası turnirinin 1/16 final mərhələsinin oyunları başa çatıb. Türkiyəni təmsil edən "Qalatasaray" və "Fənərbaxça" klubları mübarizəni dayandırmalı olublar. "Cim-bom" Əli Sami Yen stadionunda İspaniyanın "Atletiko" klubuna uduzub - 1:2. Bu məğlubiyyətdə görüşün italiyalı baş hakimi Canluka Rokinin köməyi də az olmayıb. 80-ci dəqiqədə "sarı-qırmızılar"ın futbolçusu Caner Erkinə qarşı açıq-aşkar kobudluğun qarşılığında "Atletiko"nun qapısına penalti təyin etməyən hakim bundan iki dəqiqə sonra Erkini meydançadan qovub. Azlıqda qalan "Qalatasaray" sonuncu dəqiqədə qapısından 2-ci topu buraxaraq, məğlub olub. İlk görüşdə 1:1 hesablı heç-heçə qeydə alındığından, növbəti mərhələyə məhz İspaniya təmsilçisi çıxıb.
"Fənərbaxça" isə Fransa "Lill"inin 1:2 hesablı səfər məğlubiyyətinin əvəzini Şükrü Saracoğlu stadionunda çıxa bilməyib. Əmrə Bələzoğlunun qolu ilə hesabda irəli çıxan "sarı-lacivərdilər"i görüşün başa çatmasına 5 dəqiqə qalmış Adil Rami məyus edib - 1:1.
1/16 final mərhələsinin bütün oyunlarının nəticələri:
"Anderlext" (Belçika) - "Atletik" (İspaniya) - 4:0 (ilk oyun - 1:1);
"Qalatasaray" (Türkiyə) - "Atletiko" (İspaniya) - 1:2 (1:1);
"Marsel" (Fransa) - "Kopenhagen" (Danimarka) - 3:1 (3:1);
PSV (Hollandiya) - "Hamburq"(Almaniya) - 3:2 (0:1);
"Roma" (İtaliya) - "Panatinaikos" (Yunanıstan) - 2:3 (2:3);
"Şaxtyor" (Ukrayna) - "Fulhem" (İngiltərə) - 1:1 (1:2);
"Uniriya" (Rumıniya) - "Liverpul" (İngiltərə) - 1:3 (0:1);
"Fənərbaxça" (Türkiyə) - "Lill" (Fransa) - 1:1 (1:2);
"Hapoel" (İsrail) - "Rubin" (Rusiya) - 0:0 (0:3);
"Yuventus" (İtaliya) - "Ayaks" (Hollanliya) - 0:0 (2:1);
"Zalsburq" (Avstriya) - "Standard" (Belçika) - 0:0 (2:3);
"Sportinq" (Portuqaliya) - "Everton" (İngiltərə) - 3:0 (1:2);
"Valensiya" (İspaniya) - "Brügge"(Belçika) - 3:0, (0:1);
"Verder" (Almaniya) - "Tvente" (Hollandiya) - 4:1 (0:1);
"Volfsburq" (Almaniya) - "Vilyareal" (İspaniya) - 4:1, (2:2).
"Benfika" (Portuqaliya) - "Herta" (Almaniya) - 4:0, (1:1). Beləliklə, martın 11-də və 18-də keçiriləcək 1/8 finalda görüşəcəklər:
"Rubin" - "Volfsburq", "Hamburq" - "Anderlext",
"Atletiko" - "Sportinq", "Benfika" - "Marsel",
"Panatinaikos" - "Standard", "Lill" - "Liverpul",
"Yuventus" - "Fulhem", "Valensiya" - "Verder".
|
