ATV telekanalının layihəsi olan "Yağ kimi"nin son çəkilişləri sərhəddən kənarda - Türkiyədə aparılıb. Verilişin budəfəki qonaqları yerli sənət adamları və müəyyən peşə sahibləri olub. Amma verilişdə qalibin seçilməyəcəyi sonda bildirildiyindən bu, iştirakçıların narazılığına səbəb olub.
Öyrəndik ki, verilişin qonaqları balaban ifaçısı Əlixan Səmədov, müğənni İradə İbrahimova, rejissor Sərxan Kərəmoğlu, AzTV-nin keçmiş əməkdaşı Aynur xanım və həkim peşəsində çalışan Məlahət adında bir xanım olub. 5 gün davam edən çəkilişlərdə iştirakçılar qonaqlarını evində qəbul ediblər. Lakin verilişin aparıcısının onlara "bu verilişdə hamınız qalibsiniz, məxsusi qalib seçilməyəcək" ifadəsi onları narazı salıb. Həftə boyu gərginlik içərisində keçirən, eyni zamanda yediyi yeməklərin dadına görə açıq fikirlər söyləməyə çalışan iştirakçılar belə bir nəticənin olacağını gözləmirdilər.
Qeyd edək ki, ailə qurduğu ilk aylarda mətbəxə bir o qədər bağlı olmadığını bildirən müğənni İradə İbrahimova verilişdə xanımlıq məharətini göstərib. Bu işdə o, qayınanasının tövsiyələrindən bəhrələnib.
|
