Müğənni Xatunun "Lider" televiziyasının aparıcısı Zabir Əliyevlə ailə həyatı quracağı barədə xəbərlər dolaşmaqdadır. Artıq onların toy dəvətnamələri üçün fotosessiya etdirdikləri və toy gününü təyin etdiyi də deyilir.
Xəbərə fikir bildirən müğənni Xatun Zabirlə həqiqətən də fotosessiya etdirdiyini bildirdi. Hətta onların birgə çəkdirdikləri şəkillərdə Xatun ağ gəlinlik paltarında, Zabir isə bəy geyimindədir. Lakin Xatun bunu nikah məqsədi ilə etmədiklərini bildirdi:
"Yaxın günlərdə paytaxtda möhtəşəm gözəllik salonunun açılışı olacaq. Biz həmin salonun sifarişi ilə fotosessiya etdik. Bu, orada bəy və gəlinlik paltarlarının xidməti bölməsinin açılması zərurətindən yaranıb. Zabirlə məni isə sevgi yox, yalnız dost münasibətləri birləşdirir. Biz nikaha daxil olmaq barədə heç vaxt düşünməmişik".
Xatun şayiə yayan insanların bu yozumunu qəbul etmədiyini bildirdi. Lakin o, müğənnilərin adlarının qeyri-qanuni münasibətlərdən daha çox, ailə məsələlərində hallandırılmasının tərəfdarı olduğunu bildirdi.
|
