Bu gün Unibank Premyer Liqasında XX turun oyunları başlanacaq. Bu günə təyin olunan görüşlərin yarısı Bakıda, yarısı isə əyalətlərdə baş tutacaq.

Sözsüz ki, turun mərkəzi oyunu Lənkəranda baş tutacaq. Eyni xala malik "Xəzər-Lənkəran"la "Qarabağ" altılığa düşməyi hələ ötən tur rəsmiləşdirsələr də, bu, oyunun vacibliyini azaltmır, əksinə, artırır. Çünki söhbət "qızıl xallar"dan gedir və Lənkəran komandası məhz bu göstəriciyə görə rəqibindən geri qalır. Lənkəran klubu üçün bu matçda qələbə həm də ona görə vacibdir ki, komanda cari mövsümdə ilk dəfə lider ola bilər.

"Xəzər-Lənkəran" - "Qarabağ" görüşlərində meydan sahibləri qələbəyə həsrət qalıblar. Belə ki, bu komandaların son dörd oyunu bir qayda olaraq Ağdam klubunun qələbəsi ilə başa çatır. Cənub təmsilçisi rəqibi üzərində son qələbəsini 2007-ci il avqustun 26-da hazırkı baş məşqçi Ağasəlim Mircavadovun rəhbərliyi altında qazanıb - 2:0. "Xəzər-Lənkəran"la "Qarabağ" görüşlərində indiyədək heç-heçənin qeydə alınmaması da maraqlı məqamdır.

"Bakı" - "Qəbələ" və "İnter" - "Simurğ" oyunları da ilk altılığa düşmək uğrunda mübarizədə çox önəmlidir. "Bakı"nın öz rəqibini ilk dövrədə məğlub etdiyini nəzərə alsaq, bu matçda heç-heçə şəxsi göstəricidə ondan üstün olmağa imkan yaradır. Ancaq təbii ki, həm son ölkə çempionu, həm də altılığa düşmək üçün bütün gücünü qoyan "Qəbələ" yalnız qələbə haqqında düşünür. Maraqlıdır, Ramiz Məmmədovun baş məşqçisi olduğu "Qəbələ" bu gün qonağı olacaq rəqibini paytaxtda heç vaxt məğlub edə bilməyib.

İkinci dövrəyə məğlubiyyətlə başlayan "Simurğ" üçün bugünkü görüş son şansdır. Hər halda, Zaqatala təmsilçisi növbəti xal itkisinə məruz qalacağı halda, altılığa düşmək imkanını, demək olar ki, itirəcək. "Simurğ" səfərdə görüşəcəyi "İnter"i tarixində bir dəfə məğlub edib. "Bakı", "Qəbələ" və "Simurğ" kimi altılığa düşmək vəzifəsini hələ yerinə yetirməyən "Neftçi"ni autsayderlə səfər oyununda heç də asan sınaq gözləmir. Hər halda, qış fasiləsində bir sıra təcrübəli futbolçularla heyətini gücləndirən "Karvan" xeyli yaxşı oynayır. Yeri gəlmişkən, "Karvan" "Neftçi"ni ev oyunlarında heç cür məğlub edə bilmir. Yevlax komandası rəqibinə tarixində yalnız bir dəfə qalib gəlib ki, bu da ötən mövsüm Bakıda olub - 1:0.

XX turun oyuXazar-Lenkeran,Simurg,Neftchi nları: "Olimpik-Şüvəlan" - "Standard", "Bakı" - "Qəbələ", "Karvan" - "Neftçi", "Turan" - "Muğan", "Xəzər-Lənkəran" - "Qarabağ", "İnter" - "Simurğ".