Fevralın 14-də Heydər Əliyev Sarayında müğənnilərin iştirakı ilə konsert proqramı keçiriləcək. Konsert kompleksinin həyata keçirdiyi musiqili proqramda xalq artisti Nazpəri Dostəliyeva, Faiq Ağayev, əməkdar artistlər Tünzalə Ağayeva, Aygün Bəylər, Mətanət İsgəndərli, Elza Seyhidcahan, Baloğlan Əşrəfov, müğənnilər İradə İbrahimova, Xumar Qədimova, Zamiq, Nadir Qafarzadə, Elnur, Çingiz Mustafayev, aktyorlar Rəfael İsgəndərov və Coşqun Rəhimov və başqaları iştirak edəcəklər.
Konsert təşkilatçısının məlumatına görə, tədbirin aparıcıları müğənni Elnarə və "Next" qrupudur. Qeyd edək ki, aparıcıların fərqli bir imicdə tamaşaçıları təəccübləndirə biləcəkləri deyilir. Xəbərdə o da var ki, hazırda qrup üzvləri və Elnarə konsertin reklam çəkilişlərində iştirak edirlər. Konsert biletlərinin qiyməti 15-40 manat arasında satışa çıxarılıb.
|
