Azyaşlı qızı zorlamaqda təqsirləndirilən Qaradağ rayonunda 294 saylı orta məktəbin müəllimi, 50 yaşlı Şahin Yusifovun cinayət işi üzrə qapalı məhkəmə prosesi başlayıb.
Yusifov yaşadığı Qaradağ rayonunun Ümid qəsəbəsində qonşusu, 14 yaşlı Sevincə (ad şərti verilib) qarşı seksual xarakterli hərəkətlər edib.
Müəyyən edilib ki, Yusifov hələ üç il əvvəldən azyaşlı qızla cinsi əlaqədə olub. Yusifov qapıbir qonşusu olan qızın anasının evdə olmamasından istifadə edərək, bu çirkin niyyətini həyata keçirib. Eyni zamanda, Yusifovun azyaşlı qızın anası ilə də cinsi əlaqədə olması, qardaşına qarşı da əxlaqsız hərəkətlər etməsi ittihamda yer alıb. O, qızı evdə qardaşının gözü qarşısında zorlayıb və həmin mənzərəni isə mobil telefonuna çəkib.
Üç il davamlı şəkildə bu evə gəlib-gedən Şahin Yusifov bu imkansız ailəni öz əsarəti altında saxlayıb. İçki aludəçisi olan "müəllim" vaxtaşırı bu evdə dava salıb, qızı və anasını amansızcasına döyüb. Elə ötən il avqustun 24-də də belə olub. Gecə şagirdigilə gələn "müəllim" burada səs-küy salıb və azyaşlı qızla cinsi əlaqədə olacağını deyib. Şahin Yusifovun hərəkətlərindən əsəbiləşərək, qızın xalası Qaradağ rayon Polis Şöbəsinə müraciət edib. Hadisə yerinə gələn polis əməkdaşları Şahin Yusifovu həbs ediblər.
Qapalı keçirilən prosesdə təqsirləndirilən şəxs özünü təqsirli bilməyib. O bildirib ki, hadisənin baş verməsində qızın da günahı var: "Qız özü "vızıv" verirdi. Mən də onun zənglərinə cavab verirdim və onunla görüşürdüm".
...Şahin Yusifovun "9 illik müəllimlik fəaliyyətinə" 2009-cu il avqustun 24-də xitam verilib.
|
