"Qəbələ radiolokasiya stansiyasına gəldikdə, demək istəyirəm ki, Obama administrasiyası Şərqi Avropada raket hücumundan müdafiə kompleksləri yerləşdirməkdən imtina etdikdən sonra konkret təhlükələrə qarşı kollektiv iş görmək imkanlarını yenidən araşdırmaq imkanları yaranıb". APA-nın Moskva müxbirinin verdiyi məlumata görə, bu fikirləri Rusiyanın xarici işlər naziri Sergey Lavrov ötən ilin yekunlarına həsr olunmuş mətbuat konfransında səsləndirib. XİN başçısı təhlükələrin və risklərin dəyərləndirilməsi ilə bağlı birgə iş görülməsi barədə prezidentlər Medvedyev və Obama arasında razılaşma əldə olunduğunu bildirib:
"Bu istiqamətdə ilk addım təhlükə və risklərin haradan qaynaqlana biləcəyini birlikdə müəyyənləşdirməkdir. Yalnız bundan sonra - növbəti mərhələdə biz digər dövlətləri də bu prosesə daxil etməklə bu təhlükələri diqqətlə izləmək və onun qarşısını vaxtında siyasi-diplomatik, iqtisadi və digər metodlarla almaq üçün hansı hərbi-texniki vasitələrin olduğu barədə düşünə bilərik".
|
