Azəri qızı Günel haqqında biabırçı açıqlamalar

Azərbaycan əsilli iş adamı Rza Zərrabın uzun sürən sükutdan sonra "turuncitime.com"a verdiyi geniş müsahibəsindəki kəskin ittihamları Azəri qızı Günelin uzun zaman zehnindən silinməyəcək. Xatırladaq ki, xeyli müddət Günellə birlikdə olan Rza Zərrabın adı son bir ildə türkiyəli sənətçi Ebru Gündeşlə hallandırılırdı. Artıq onların nikaha daxil olduqları da deyilir. Lakin Rza Zərrab iddia edir ki, Günel onların birlikdə olmasını istəmir və mətbuata ürəkbulandıran açıqlamalar verir, iş adamı haqqında xoşagəlməz ittihamlar səsləndirir. Xatırladaq ki, Rza Zərrabın müsahibəsində Günelin atası Rəhman Zeynalovun da iştirakı bildirilir. Müsahibə iş adamının ofisində götürülüb və videolentə köçürülüb.

Jurnalist öncə Rza Zərrabın bu günlərdə Günelin evinin qarşısında yaxalanması ilə bağlı xəbərə fikir bildirib. Həmin yazının da müəllifi olan maqazinçi belə deyib:

"Yazı dərc olunan gecə saat 02:37-də telefon zəngi aldım. Danışan Rza Zərrab idi. Günelin Rza Zərrabın onun evinə gəldiyi barədə fikri və bu kimi açıqlamaları qarşı tərəfi danışmağa vadar etmişdi. İş adamı telefonda "madam haqqımda yanlış fikirlər var, mən də danışmaq haqqımdan istifadə edib, müsahibə vermək istəyirəm" deyib.

Səhəri gün baş tutan müsahibədə öncə başqa bir məsələyə aydınlıq gətirilib. Qeyd edək ki, Zərrabın neft milyonçusu olduğu deyilirdi. Lakin məlum olub ki, onun neftlə heç bir əlaqəsi yoxdur. O, gəmi inşaatı ilə məşğuldur.

Daha sonra mətləbə keçən iş adamı Ebru Gündeşin tanınmış və kifayət qədər zəngin müğənni olduğunu deyib və türk müğənni üçün 4 milyon dollar xərclədiyi barədə söylədiklərini yalan adlandırıb. O, 1 il əvvəl Ebru Gündeşlə evlənərək ömürlərinin sonlarına qədər birgə yaşamaq qərarına gəldiklərini və türk müğənni üçün 1 lirə belə xərcləmədiyini söyləyib. Rza Zərrab Günellə birgə olduğu 8 il ərzində isə ona 4 milyon dollardan da çox pul xərclədiyini və bunu sü

but edə biləcəyini də dilə gətirib.

REKLAM

O, hər ay Günelə orta hesabla 125 min dollar xərclədiyini və bank sənədlərində də bunun yer aldığını nəzərə çatdırıb. Rza Zərrab Günelin tək son albomuna 350 min dollar xərc çəkdiyini qeyd edib və həmin albomu hazırlayan Sezgin bəyi də otağına çağıraraq bunu sübut edib. "Günel jurnalistləri aldatdı" O, Günelin son açıqlamasında Ebru Gündeşi aşağılamasının səbrini daşırdığını və bu səbəbdən birinci və sonuncu dəfə hər şeyi çılpaqlığı ilə dilə gətirdiyini vurğulayıb. Günelin atası Rəhman Zeynalovun "bunu sənə zorlamı etdirdik?" sualına cavabında isə deyib ki, Günellə olduğu müddətdə ona qadını kimi baxmaq insanlıq və kişilik vəzifəsi olub:

"Halal xoşu olsun. Amma məni narahat edən başqa səbəblər var. Keçən həftə Günelin evinə getməyim barədə məlumat yanlışdır. Günelin evindən 15 metr kənarda səsyazma studiyası var. Mediada yayımlanan foto da orada çəkilib. Bu Rəhman bəy, bu da mən".

Günelin atası da Rza Zərrabın bu sözlərini təsdiqləyir. Rza Zərrab məsələnin sensasion bir məqamını da açıqlayıb: "Rəhman bəy, həmin şəklin çəkildiyi gün sən məni dəfələrlə arayıb, yeməyə dəvət etdin. Mən də sənə dedim ki, əsla gəlmərəm, sənin qızın yenə bir oyun oynayar, oraya maqazinçiləri çağırar, gəlmirəm". Günelin atası da bunu təsdiqləyib: "Bəli, söylədin. 1 ildir ki, Rza da, qızım da 1 dəfə belə üz-üzə gəlmədilər və görüşmədilər. Görüşdürmərəm də, artıq bu iş bitib". Rza Zərrab bildirib ki, keçən həftə Günelin evinin qarşısında şəklin çəkilməsi onun üçün qurulan bir tələ olub: "Günelin atası ilə söhbət zamanı onların yaşadığı küçədəki səsyazma studiyasına gedəcəyimi söyləmişdim. Bir az sonra şəkillərim internet portallarını bürüdü".

O, Günellə birgə olduğu vaxt Ebru Gündeşlə əlaqəsinin olmadığını da dilə gətirib: "Atası da buradadır, Güneldən çoxdan ayrılmışdım. Bizim Günellə ayrılmağımızın başqa səbəbi var və Ebru Gündeşlə münasibətlərimizdən 2 ay əvvəl baş vermiş bir olaydır. Ancaq Günel də bilir ki, mən Ebru Gündeşin heyranı idim". Bu yerdə Günelin atasının müdaxiləsi ciddi qalmaqal yaradır. Rəhman Zeynalov deyir ki, onun qızını hamı tanıyır, Ebru Gündeşin də hansı yuvanın quşu olduğunu hər kəs bilir. Rza Zərrab isə onun üstünə yüksək səslə qışqırır:

"Mənə sən deyil, milyon sənin kimisi bir araya gəlsə də, Ebruya tək bir söz söyləyə bilməz. Onun haqqında bir kəlmə söz söyləsən, bu işin sonu sənin üçün pis olar. Ebru Gündeş mənim həyatımdakı qadındır". "Günelin atasının ev kirayəsini hələ də mən ödəyirəm" Rza Zərrab Günelin olduğu qadın salonuna gələrək atəş açmasını da inkar edib və həmin qadın salonunun sahibini də otağına çağırtdırıb. O şəxs də bunu yalan adlandırıb, həmin gün Rza Zərrabın Günelin qadın salonuna olan 800 dollar borcunu ödədiyini bildirib.