Bu il Azərbaycan Milli Tarix Muzeyinin yaradılmasının 90 illiyi tamam olur. Muzeydən verilən məlumata görə, 2010-cu il Tarix Muzeyinin yubiley ili elan edilib. Yubiley çərçivəsində muzey rəhbərliyi tərəfindən silsilə tədbirlərin keçirilməsi planlaşdırılır. Məlumatda bildirilib ki, tədbirlər siyahısına müxtəlif sərgilərin keçirilməsi, beynəlxalq tədbirlərin təşkili, eləcə də Tarix Muzeyinin 90 illik fəaliyyətini əks etdirən broşürlərin hazırlanması və digər layihələrin həyata keçirilməsi daxil edilib. 2010-cu ilin sonunda isə yubiley ilinin bağlanışı münasibətilə Milli tarix muzeyində beynəlxalq konfransın keçirilməsi nəzərdə tutulur.
Məlumatda bildirilir ki, dünyanın bir sıra ölkələri ilə əlaqələr yaradan və əməkdaşlıq edən Tarix Muzeyinin yubiley tədbirlərinə Koreya, Rusiya və Belarusun Tarix Muzeylərindən də qonaqlar dəvət ediləcək. Yubiley ilində Tarix Muzeyinə yeni eksponatların gətirilməsi də nəzərdə tutulur. Hazırda bununla bağlı lazımi tədbirlər görülür.
|
