2009-un son ayları iki qızı ilə bağlı yayılan xəbərlərdən sarsılan əməkdar artist Almaz Ələsgərli psixoloq yardımı alır. Çətin məqamlarda falçı, cadugər qapısı döymədiyini bildirən Almaz xanım özünü köhnəfikirli qadınlardan hesab etmədiyini bildirdi:
"Bəzi qadınlar çətin vəziyyətlərdə cadukərlərə üz tutur, müşkülünün asan olması üçün hər vasitəyə əl atırlar. Lakin mən bunun əleyhinəyəm, qara qüvvələrin köməyinə ehtiyac duymuram".
Bəzi hallarda fal açdırdığını sözünə əlavə edən Almaz xanım bunu maraq xatirinə etdiyini bildirdi. Lakin o, cadugər əməllərindən bəhrələnmədiyini əminliklə söylədi.
Hazırda psixoloq yardımı alan müğənni bunu ötən ildən qalan gərginliyi üzərindən atmaq məqsədilə etdiyini deyir.
Xatırladaq ki, iki qızını gəlin köçürən Almaz xanımın haqqında xoşagəlməz söhbətlər yayılmışdı. Onun iki qızının ayrılmasının kökündə dayanan səbəblər böyük ajiotaja səbəb olmuşdu.
|
