Azərbaycanda ağır cinayət törətməkdə təqsirli bilinən Rusiya vətəndaşı Novotorjin Vladislav İvanoviçə hökm oxunub. 2009-cu ilin avqustun 6-da Suraxanı rayonu, H.Zərdabi küçəsi ev 5-də yaşayan 69 yaşlı Valentina İvanova oğlu Novotorjin Vladislav İvanoviç tərəfindən bıçaqlanıb.

Yaralı qadın ağır vəziyyətdə xəstəxanaya çatdırılsa da, həyatını xilas etmək mümkün olmayıb. Vladislav Novotorjin Suraxanı Polis İdarəsinin 31-ci bölməsinin əməkdaşları tərəfindən tutulub.

Ağır Cinayətlərə Dair İşlər üzrə Məhkəmənin hökmü ilə İvanoviç 14 il müddətinə azadlıqdan məhrum edildi.