Fevralın sonlarından başlayaraq Mədəniyyət və Turizm Nazirliyi ilk dəfə Milli Dövlət Teatrları Festivalını keçirəcək. Qurumun mətbuat əlaqələndiricisinin məlumatına görə, Bakıda keçiriləcək festivalda respublikanın bütün regionlarından 26 teatr iştirak edəcək. Xəbərdə qeyd olunur ki, festival çərçivəsində "dəyirmi masa"lar təşkil ediləcək, aktyorlar, teatrşünas, sənətşünas və festivalın digər iştirakçıları ilə görüşlər, seminarlar keçiriləcək. Milli festivalda məqsəd ölkə teatrları arasında qarşılıqlı əlaqələrin genişləndirilməsi, regional teatrların fəaliyyətinin stimullaşdırılması və onların paytaxt tamaşaçılarına təqdimi üçün imkanlar yaratmaqdır.
|
