Rəqqasə Fatiməyə Pələng ili düşərli olub. Yeni ilin başlanğıcında o, türk folkloruna müraciət edib. Buna səbəb isə onun aldığı yeni yaradıcılıq təklifinin ilk mərhələsini dəyərləndirmək olub. Bu barədə məlumat verən rəqqasə bildirib ki, təklif ona Türkiyədən gəlib: "Tanınmış şirkətlərdən biri işbirliyi qurmaq istəyir. O, hələ bu şirkətin adını məxfi saxlayır. Qəti qərar qəbul etmədiyindən bu barədə danışmaq istəmir. Fatimə təklifi qəbul etmək üçün çətinlik qarşısında qalıb: "Qəbul etsəm, gərək buranı uzun müddətə tərk edim. Mən isə hara gedirəmsə gedim, 3 gündən sonra darıxmağa başlayıram. Bir də ailəm - anam, qızım buradadır. Onları tərk etmək asan deyil. Bilirəm ki, anam bütün günü zəng edib necə olduğumu xəbər alacaq. Yəni ürəyi mənim yanımda qalacaq. Qızım da həmçinin. O, mənsiz darıxır. Telefon zəngləri məni geri qayıtmağa məcbur edəcək. Amma bir tərəfdən də düşünürəm ki, bu təklif karyeram üçün çox əlverişlidir".
Rəqqasənin əlavəsinə görə, əgər o, təklifə imza atarsa, onun dünyaya çıxışı bir qədər asanlaşacaq.
|
