Ötən ilin son ayı ana olan əməkdar artist Aygün Bəylər artıq yaradıcı işə qayıdır. Prodüserinin açıqlamasına görə, onun KİV ilə görüşü nəzərdə tutulub. Görüşün təfərrüatını xəbər alanda öyrəndik ki, müğənni yeni prodakşnla müqavilə imzalayıb:
"Bildiyiniz kimi, Aygün xanım məlum səbəblərdən bir neçə ay efir və konsert məkanlarında görünməyib. Müsahibələr verməyib. Bu boşluğu doldurmaq məqsədi ilə bir sıra yaradıcılıq işləri görülür. Aygün xanım bu günlərdə şirkətlərin biri ilə müqavilə imzalayıb. Müqaviləyə əsasən, Aygün Bəylər bir sıra layihələrə imzasını atacaq".
Bunun nədən ibarət olduğunu isə prodüseri açıqlamadı. Bildirdi ki, yaxın günlərdə bu və digər məsələlərə aydınlıq gətiriləcək.
|
