Rejissor ilk Yeni il təklifini xalq artisti İlhamə Quliyevadan aldığını deyir. Onun sözlərinə görə, Azərbaycan Qızıl Aypara Cəmiyyətindən rejissora müraciət ediblər. Təklifdə sözləri Cavanşir Alxasova, musiqisi Novruz Aslanova aid olan himnin klipini çəkmək qeyd olunub. Himn sözügedən humanitar qurumu şərəfləndirəcək. Rejissora bildiriblər ki, məhz İlhamə Quliyevanın istəyi ilə klipi çəkmək ona həvalə edilib.
Rejissorun məlumatında qeyd olunur ki, himni müğənnilərdən İlhamə Quliyeva, Faiq Ağayev, Sevda Ələkbərzadə, Lalə Məmmədova, Fidan Hacıyeva, Nurlan Əzizbəyli və "Kristal" qrupu ifa ediblər.
|
