Azərbaycan Dövlət Akademik Milli Dram Teatrının kollektivinin ifasında Aqata Kristinin "Tələ" əsəri əsasında hazırlanan tamaşanın təqdimat mərasimi keçirilib. Teatrın mətbuat xidmətindən verilən məlumata görə, Aktyor Evində təqdim olunan tamaşanın quruluşçu rejissoru əməkdar incəsənət xadimi Əsgər Əsgərovdur. Əsəri ingiliscədən Şaiq Cabiroğlu çevirib. Tamaşanın baş rollarında xalq artistləri Zərnigar Ağakişiyeva, Ramiz Məlik, Rafiq Əzimov, əməkdar artistlər Sənubər İsgəndərova, Elxan Quliyev, Abbas Qəhrəmanov, artistlər Vəfa Rzayeva, Mətləb Abdullayev çıxış ediblər.
Qeyd edək ki, tamaşada hadisələr Şotlandiyanın ucqar dağ pansionatında cərəyan edir. Məlumatın sonunda bildirilir ki, hazırda teatr kollektivi növbəti ayda gözlənilən qastrol səfərlərinin məşqlərini edirlər. Bu barədə ətraflı məlumat veriləcək.
|
