Ermənistanla Türkiyə arasında sərnişin daşımaları hər il 20 faiz artır. APA-nın "Armenia today" portalına istinadən verdiyi məlumata görə, bunu Ermənistanın Ərazi İdarəetmə Nazirliyinin Miqrasiya Agentliyinin rəhbəri Qagik Yeqanyan deyib.
O bildirib ki, 2000-ci ildə Ermənistandan Türkiyəyə gedənlərin sayı 17,5 minə yaxın, Türkiyədən Ermənistana gedənlərin sayı 14,6 min nəfər olduğu halda, 2008-ci ildə bu rəqəmlər müvafiq olaraq 63,8 min və 64,4 min nəfər təşkil edib. Qagik Yeqanyanın fikrincə, sərhədlər açıldıqdan sonra bu rəqəmlər daha da böyüyəcək.
|
