Rəşad İlyasovu qalmaqaldan uzaq tutan taktika
 |
O, gündəmdə qalmağın "sağlam" yolunu tapıb
Şənbə, 19.12.2009
|
|
Nə zamandır milli televiziyada aparıcılıq edən Rəşad İlyasov müğənni peşəsinə də diqqət ayırır. Yaxın günlər üçün bir sıra yeniliklər vəd edən müğənnidən maraqlı açıqlamalar eşitdik. Belə məlum oldu ki, Rəşad İlyasov silsilə mahnılar yazdırır. Lakin bunların heç biri yerli bəstəkarların əsərlərini təşkil etməyəcək. Hələ bir neçə illər öncə türk sənət musiqisinə meyli artan müğənni bunu indi-indi gerçəkləşdirir.
"Türk sənət musiqisinə marağım və həvəsim çoxdan yaranıb. Lakin bu günə qədər buraxılan albomlara həmin parçaları daxil etmək qismət olmamışdı. Sonradan məndə ayrıca bir albom hazırlamaq ideyası yarandı. Düşündüm ki, yeni topluda yalnız türk sənət musiqisinə yer ayırım".
Gərgin iş qrafiki ilə çalışan Rəşad İlyasov təəssüflə qeyd etdi ki, onun adını qalmaqala çəkmək istəyən həmkarı tapılıb. Konkret ad üzərində dayanmayan sənətçi ucuz reklama meyilli olmadığını bildirdi: "Əslində, belə hallarla bir neçə dəfə rastlaşmışam. Lakin görünür mənim taktikam onların bu həvəsini gözündə qoyub. Mən gündəmdə qalmaqal mövzusu ilə qalmağı sevmirəm. Bu günə qədər də adım bu cür mövzularda səsləndirilməyib. Bu səbəbdən də buna cəhd göstərən insanlara mesaj olaraq tövsiyə edirəm ki, məni qıcıqlandıran fikirlər söyləməsinlər".
|
|
|
Oxşar xəbərlər:
AMİP Çin səfirliyinin qarşısında aksiya keçirəcək
Türkmənistan millisinin qapıçısı "Neftçi"də
"Kocaelispor" Rəşad Sadıqovdan əl çəkmir
Həsən Kərimov kiçik oğlunu da itirib
"Koroğlu"nun quruluşunu 6 rejissor həyata keçirəcək
|
|
|
