Avropa Şurasının Venesiya Komissiyasının 81-ci plenar sessiyası başlayıb. Venesiya Komissiyasının üzvü Lətif Hüseynovun APA-ya verdiyi məlumata görə, iki gün davam edəcək sessiyada əvvəlcə komissiyanın prezidenti seçiləcək.
Hüseynov bildirib ki, sessiyanın gündəliyinə Azərbaycanla bağlı iki məsələ daxil edilib: "Bunlar "Məhkəmələrin fəaliyyəti haqqında məlumat alınması haqqında" və "Bələdiyyələrin statusu haqqında qanuna əlavə və dəyişikliklər edilməsi haqqında" qanun layihələridir. Hər iki layihə barədə komissiya rəy qəbul etməli və bu rəylər Azərbaycan hökumətinə təqdim olunmalıdır. Bundan əlavə, komissiya Lüksemburqda Konstitusiya islahatını, Ukraynanın "Dinc toplantıların təşkil edilməsi və keçirilməsi haqqında" qanun layihəsini, Ermənistanın Mülki Məcəlləsinə əlavə və dəyişikliklər edilməsi haqqında qanun layihəsini və digər bir sıra məsələləri müzakirə edəcək".
|
