Türkiyənin ünlü sənətçisi Ebru Gündeşlə azərbaycanlı iş adamı Rza Zərrab bir ildir bərabər olsalar da, bu günə qədər onları bir yerdə görən olmayıb. Türkiyə mətbuatının yazdığına görə, sevgililər bərabər görüntülənməmək üçün son dərəcə diqqətli hərəkət edirlər. Onlar bunun üçün hətta dincəlmək üçün xarici ölkələrdən birini seçirlər. Cütlük son olaraq, Qurban bayramında ölkə xaricinə tətilə gediblər. Sevgililərin 4 gün Mayamidə dincəldikləri deyilir. Onlar İstanbula qayıdarkən hava limanının VİP qapısından çıxaraq, maşınla oradan uzaqlaşıblar. Lakin Ebru Gündeş bu mövzuda ona sual ünvanlayan maqazin müxbirlərini cavabsız buraxıb.
Qeyd edək ki, cütlüklər ötən il Azərbaycanda məclislərin birində tanış olublar. Bu yaxınlarda isə onların imam nikahı ilə evləndiyi barədə xəbər yayılıb.
|
