"Azərbaycanın sülhməramlı əməliyyatlarda iştirakı haqqında" qanun layihəsi parlamentə tövsiyə olunub
|
Şənbə, 12.12.2009
|
|
mətn ölçüsü |
|
|
|
Milli Məclisin təhlükəsizlik və müdafiə komitəsinin iclası keçirilib. Parlamentin mətbuat xidmətindən APA-ya daxil olan məlumata görə, komitənin sədri, MM sədrinin birinci müavini Ziyafət Əsgərov "Azərbaycanın sülhməramlı əməliyyatlarda iştirakı haqqında" qanun layihəsinin ikinci oxunuşda müzakirəyə təqdim olunduğunu deyib. O, birinci oxunuşda müzakirədən keçən bu qanun layihəsinə bütün əlaqədar təşkilatların müsbət rəy verdiyini söyləyib. İclasda komitənin üzvü Siyavuş Novruzov birinci oxunuşdan sonra layihə üzərində aparılmış düzəlişlər barədə deputatlara ətraflı məlumat verib: "Sülhün qorunması, bərqərar edilməsi və ya bərpası üzrə əməliyyatlarda iştirak edən Azərbaycan hərbi qulluqçularının sosial müdafiəsi, həmçinin onların ailə üzvlərinə əlavə sosial imtiyazların və təminatların verilməsi kimi məsələlər konkret qanunla tənzimlənməlidir. Qanun layihəsinin konseptual baxımdan vacibliyi göstərir ki, ölkəmizdə bu sahənin hüquqi bazası formalaşdırılmalıdır". Müzakirələrdən sonra sənəd parlamentin plenar iclasına tövsiyə olunub.
|
|
|
|
|
|
|
