Dekabrın 9-da Bakı şadlıq saraylarının birində yunan-Roma güləşi üzrə olimpiya və ikiqat dünya çempionu Fərid Mansurovun toy məclisi keçirilib. Toy məclisində 800-dək qonaq iştirak edib. Qonaqlar arasında bəy və gəlinin yaxınları ilə yanaşı, gənclər və idman naziri Azad Rəhimov, mədəniyyət və turizm naziri Əbülfəs Qarayev, Milli Məclisin bəzi deputatları, Bakı şəhər rayonlarının icra başçıları, olimpiya çempionları Namiq Abdullayev, Zemfira Meftahətdinova, Elnur Məmmədli və digər tanınmış idmançılar iştirak ediblər. Azərbaycan Güləş Federasiyasının prezidenti, vergilər naziri Fazil Məmmədov isə Azərbaycanda olmadığından toya gəlməyib.
66 kq çəki dərəcəsində çıxış edən Fərid Mansurov 2004-cü il Afina Yay Olimpiya Oyunlarının, həmçinin 2007-ci və 2009-cu il dünya çempionatlarının qalibidir.
|
