Üzeyir Hacıbəyov adına Bakı Musiqi Akademiyasının məktəb-studiyasının növbəti yubileyi keçirilib. Akademiyadan verilən məlumata görə, konsert proqramı ali musiqi məktəbinin böyük zalında təşkil edilib. Tədbirdə məktəb-studiyanın məzunu, Bakı Musiqi Akademiyasının magistr pilləsinin tələbəsi, Q.Qarayev və Nazim Əliverdibəyov adına Respublika müsabiqələrinin laureatı Mələk Hacıyeva çıxış edib. Proqrama bir neçə musiqiçinin çıxışı da daxil edilib.
Xəbərdə qeyd olunur ki, musiqili tədbirdə dünya fortepiano əsərləri və Motsart, Bethoven və Prokofyevin sonataları səsləndirilib.
Maqsud Şeyxzadənin 100 yaşı varAzərbaycan Yaradıcılıq Fondu, Özbəkistanın ölkəmizdəki səfirliyi və Azərbaycan-Özbəkistan Dostluq Cəmiyyətinin təşəbbüsü ilə Mahnı Teatrında özbək şairi və dramaturqu, mədəniyyət xadimi, əslən azərbaycanlı olan Maqsud Şeyxzadənin 100 illik yubiley tədbiri keçirilib.
Xaqani xatırlanırİSESKO - Regional Mərkəzin, Azərbaycan Mədəniyyət və Turizm Nazirliyinin və Milli Elmlər Akademiyasının birgə təşkilatçılığı ilə dekabrın 11-də M.F.Axundov adına Milli Kitabxanada XII əsrin görkəmli Azərbaycan şairi Əfzələddin Xaqani Şirvaninin yaradıcılığına həsr edilən milli seminar keçiriləcək.
