"Əbu-Bəkr" məscidinin açılması tələb olunur
|
Dini icma QMİ sədrinə müraciət ünvanlayıb
Şənbə, 05.12.2009
|
|
"Nərimanov rayon dindarları" dini icması "Əbu-Bəkr" məscidinin fəaliyyətlərinin bərpası ilə bağlı Qafqaz Müsəlmanları İdarəsinin (QMİ) rəhbəri Hacı Allahşükür Paşazadəyə müraciət edib (APA). Müraciətdə dini icmanın qeydiyyatı məsələsinin Nərimanov rayon İcra Hakimiyyəti və Dini Qurumlarla İş üzrə Dövlət Komitəsi tərəfindən həll olunmadığı bildirilir.
Qeydiyyat məsələsi ilə bağlı vaxtın məhdud olmasını və icmanın yenidən dövlət qeydiyyatına alınması üçün lazım olan bütün sənədlərin hazır olmasına baxmayaraq, müraciət müəllifləri hüquqi ünvan haqqında arayışın verilmədiyini bildiriblər. İcma rəhbərliyi problemin süni olaraq yaradıldığını iddia edir, yaradılmış problemin həlli ilə bağlı QMİ sədrindən buna yardım etməyi istəyirlər.
"Əbu-Bəkr" məscidi 2008-ci il avqust ayında baş verən teraktdan sonra bağlanıb. İndiyədək çoxsaylı istintaq işlərinin aparılması və günahkarların tapılmasına baxmayaraq, məscidin fəaliyyəti hələ də bərpa edilməyib.
|
|
|
|
|
|
|
