Yaxın keçmişin dünya şöhrətli müğənnisi Zeynəb Xanlarova keçən onilliklərin havasında əcnəbi dinləyiciləri qarşısında daha bir konsert proqramı ilə çıxış etməyə hazırlaşır. Onun turnesinin təşkilatçısı "Səs" şirkətinin təşkilatçısı Nahid Emiloğludur. Təşkilatçının məlumatına görə, Zeynəb Xanlarovanın turnesinə 2010-cu il aprelin sonu, mayın əvvəllərində start verilməsi nəzərdə tutulur:
"Bu turnedə Zeynəb xanımın Avropa ölkələrində, Kanada və ABŞ-da da böyük konserti təşkil olunacaq. Zeynəb Xanlarovanın konsertlərinin mükəmməl olacağına və anşlaqla keçəcəyinə əminik".
|
