Moskvada yaşayan Azərbaycan yazıçısı Çingiz Hüseynovun yeni kitabı işıq üzü görüb. Rusiya paytaxtında 3 min tirajla buraxılan topluda yazıçı "Məhəmməd, Məmməd, Məmiş", "Ailə sirləri" romanlarını cəmləyib.
Çingiz Hüseynov 1929-cu il aprelin 20-də Bakıda doğulub. 1947-ci ildən Moskvada yaşayır. O, 1952-ci ildə Moskva Dövlət Universitetini bitirib. SSRİ Elmlər Akademiyası Şərqşünaslıq İnstitutunun aspiranturasında təhsil alıb, elmlər namizədi alimlik dərəcəsi alıb. 1955-ci ildən SSRİ Yazıçılar İttifaqında milli ədəbiyyatlar üzrə məsləhətçi olub, daha sonra İctimai Elmlər Akademiyasında kafedra müdirinin müavini işləyib. Ç.Hüseynov "Fətəli fəthi", "Doktor N" kimi məşhur romanların da müəllifidir.
Müəllif bu son kitabını azərbaycanlı oxuculara da təqdim etməyi düşünür.
|
