Özcan Dənizin Bakı konserti təxirə düşdü
 |
Serial çəkilişləri səfərə mane olub
Cümə, 27.11.2009
|
|
Türkiyəli sənətçi Özcan Dənizin 5 dekabr tarixində Bakıda - Heydər Əliyev Sarayında verəcəyi konserti təxirə salınıb. Bu barədə konsertin təşkilatçısı "Qoliaf" media şirkəti mətbuat xidmətinin rəhbəri Azər Nəsibov məlumat verib. Onun sözlərinə görə, Özcanın Azərbaycandakı pərəstişkarları qarşısına çıxmamasının səbəbi çəkilişləri davam edən serialla bağlıdır:
"Hazırda türk kanallarının birində Özcan Dəniz "Saman yolu" adlı serialda baş rolu oynayır. Serialın çəkilişləri hər həftə aparıldığından çəkiliş meydançasını tərk edə bilmir. Bilirik ki, konsertin təxirə düşməsi xəbəri onun dinləyicilərini məyus edib. Lakin müğənni çəkilişləri atıb, başqa ölkəyə gedə bilmir".
Konsert üçün biletlərin satışa çıxarılmadığını vurğulayan mətbuat xidmətinin rəhbəri müğənninin konsertinin böyük ehtimal ki, gələn il keçiriləcəyini söylədi:
"Dekabrın sonları Məhərrəm ayına təsadüf etdiyindən konsertin gələn ilə keçirilmə ehtimalı var. Hələlik dəqiq tarix açıqlaya bilmirik".
|
|
|
Oxşar xəbərlər:
"Yaprak dökümü"nün qəhrəmanı əvvəl imtahan verəcək, sonra evlənəcək
Moskvada Azərbaycan Mədəniyyəti günləri başa çatıb
"Mən nişanlı deyiləm"
Püşkatma kimə nə vəd edir?
"Bakı gecələri" II estrada müsabiqəsi başlayır
|
|
|
